面對股市大升大跌，我們需學識幾個道理：
　　
　　1. 「股市專收叻仔」, 人算不如天算, 就算幾聰明, 分析幾透徹都未必有用。有唔少影響市場的消息或者資訊, 係預測唔到的。
　　
　　2. 股市的本質就係有不確定性。要響市場裡面做贏家, 就係要駕馭不確定性, 駕馭預測唔到的情況。
　　
　　3. 股市同經濟係有關連, 但市場上的人的情緒同心情影響可以更大。
　　
　　4. 「價值投資」所說的散戶情緒真係可以變化得很快, 亦可能造就難得的機會。事實上市場又間中真係會出現呢類機會。
　　
　　5. 一開始買入的決定做得正確的話, 將對之後影響好大。因為當時手上的持貨都唔係低位買, 而係短炒, 升D賣下又揀另一隻。所以一日的大跌市已經能令幾天的利潤化為烏有, 無得守, 自然會驚, 會想沽貨離場。但如果調返轉, 一開始成本價已勁低, 根本一日跌5%-10%其實都不足為懼, 有得守。
　　
　　6. 短期大跌市 (配合良好基本因素), 反而可能係好機會。例如市盈率跌到低過10。
　　
　　7. 分批買入或者賣出, 好過一次過咁買賣。起碼做錯決定的話, 都唔會咁大影響, 要補救亦較易。